თითქმის სამთვიანი ბლოკადის შემდეგ ისრაელი ღაზაში იმ ოდენობით დაუშვებს დახმარებას, რამდენიც არსებობისთვისაა აუცილებელი. იგი ღაზაში საბრძოლო მოქმედებების გაფართოებას გეგმავს.
ისრაელის პრემიერ-მინისტრი ბენიამინ ნეთანიაჰუ აცხადებს, რომ მისი კაბინეტი ისრაელის თავდაცვის ძალების რეკომენდაციას ითვალისწინებს, რათა თავიდან აიცილონ შიმშილთან დაკავშირებული კრიზისი, რომელმაც, თავის მხრივ, შესაძლოა საფრთხე შეუქმნას მათ უახლეს სახმელეთო ოპერაციას.
მისი თქმით, ისრაელის თავდაცვის ძალები ღაზის სექტორში „ჰამასის“ დასამარცხებლად და მძევლების გასათავისუფლებლად შედიან.
ღაზაში მცხოვრები 500 000-ზე მეტი პალესტინელი შიმშილის ზღვარზეა. ისინი უმძიმეს მდგომარეობაში არიან. ექსპერტებმა გასულ კვირას განაცხადეს, რომ ღაზაში შიმშილი დაიწყება, თუ ისრაელი არ მოხსნის ბლოკადას და არ შეწყვეტს სამხედრო კამპანიას.
